Fiðluhópar frá London - heimsóknir í apríl og október
Ágætu fiðluforeldrar!
Það er okkur mikið gleðiefni að erlendir kennarar og nemendur vilja sækja okkur heim og halda með okkur tónleika. Nú hafa 2 hópar sýnt áhuga á að koma og annar hópurinn er að koma en hinn að hugsa sig um! Báðir kennararnir og nemendur búa og starfa í London.
Fyrri hópurinn kemur til landsins 10. apríl og sameiginlegir tónleikar með Allegro fiðlunemendum verða í Langholtskirkju þann 12. apríl. Vinsamlegast takið strax frá þann dag.
Hópurinn er nú þegar búinn að skipuleggja ferðina, þau munu búa á gistiheimili, fara síðan Gullfosshringinn, í Bláa Lónið, á söfn og fl. Það væri hins vegar gaman ef við gætum eitthvað gert fyrir þau eftir tónleika t.d. komið með einhverja smárétti, gos, snakk eða annað og boðið þeim upp á. Eru ekki allir til í þetta? Verkefni sem verða leikin í Langholtskirkju eru t.d. Sverðdansinn eftir Katsjaturian, Millionaires Hoedown, Bach tvöfaldi, Seitz 1, Húmoreska, Veiðimannakór og fleiri lög í bók 1.
Seinni hópinn langar til að koma 24.-28. október í haust og fékk ég fyrirspurn frá Claudio Forcada, kennaranum þeirra í London, um hvort íslensku fjölskyldurnar væru til í hýsa þau í nokkra daga. Þau myndu bjarga sér sjálf með hádegis- og kvöldmat þannig að þetta er bara spurning um gistingu og morgunmat. Hvort þau koma til okkar ræðst svolítið af því hvort þau geti fengið heimagistingu eður ei. Þess vegna spyr ég ykkur ágætu foreldrar, væri þetta ekki skemmtilegt og spennandi? Eruð þið til í að hýsa 1-3 ? Ég þyrfti að fá einhver viðbrögð mjög fljótt, helst fyrir mánudaginn, svo þau geti hafið skipulagningu og fjáröflun.
Við höfum alltaf lagt mikla áherslu á í okkar skóla að auka gæðin, efla andann og vera bæði með lifandi og sýnilegt starf og vona ég svo sannarlega að þið metið þessa ágætu viðbót við skólastarfið.
Ėg hlakka til að fá viðbrögð frá ykkur sem fyrst!
Sendið svarpóst á lilja@allegro.is
b.kv Lilja