Töfraflautan í Allegro og foreldraspjall
Laugardaginn 29. mars kl. 10-12 ætlar Gyða að bjóða nemendum á óperusýningu i sal Allegro, um er að ræða Töfraflautuna í búningi brúðuleikhússinns í Salzburg.
Gyða segir um Töfraflautuna: "Töfraflautan er saga um prinsinn Tamino, sem slæst við dreka og lendir í allskonar ævintýrum, þegar hann reynir að frelsa Pamínu prinsessu (dóttur Næturdtottningarinnar) úr höll Sarastros konungs. Vinur hans og félagi á ferðini er Papageno, sem færir Dísunum Þremur fugla á hverjum degi. Papagano getur aldrei lokað munninum og aldrei þagað yfir leyndarmáli. Töfraflautan er síðasta óperan sem Mozart samdi. Frumflutnings hennar var beðið með eftirvæntingu í Vínarborg 30. september 1791 og hefur hún æ síðan verið ein vinsælasta óperan sem flutt er".
Á meðan börnin horfa á Töfraflautuna ætlum við kennarar að vera til staðar fyrir foreldra með spjall og ráðleggingar. Tilvalið tækifæri fyrir foreldra að koma saman og deila með sér snjöllum lausnum við vandamálum sem alltaf geta komið upp, og styðja við bakið hvort á öðru!
Æfing fyrir tónleikana með ensku gestunum
Æfing verður svo fyrir fiðluhóp 4 og 5 vegna tónleikanna með ensku gestunum kl. 12.30 sama dag. Jafnframt eru allir nemendur sem vilja spila með í Seitz konsertinum á tónleikunum beðnir um að mæta þá einnig.