Heilir og sælir ágætu félagsmenn, í þessu fréttabréfi vek ég athygli ykkar á tveimur greinum eftir félaga okkar um bækur sem fjalla um skólamál og einni meistararitgerð sem fjallar um faglega ráðgjöf stjórnenda.

Einnig vil ég benda ykkur á vef Félags skólastjórnenda í Reykjavík en þau hafa sett upp tengil á heimasíðu sinni um innleiðingu aðalnámskrár. Sjá hér Þeir sem vilja deila hugmyndum um innleiðingu aðalnámskrár geta sent þær á netfangið: Jon.Pall.Haraldsson@reykjavik.is

Veftímaritið Krítin heldur áfram með áhugaverðar greinar um skólamál sem þið ættuð endilega að skoða, sjá frekar hér.

Einn félaga okkar sendi mér fyrirspurn hvað varðar áhugaverðar ráðstefnur og /eða sýningar um skólamál á Norðurlöndunum, Evrópu eða USA. Áhugavert væri að fá skeyti frá ykkur sem hafið upplýsingar um slíkar ráðstefnur. Ekki þarf að senda upplýsingar um Bett, Birmingham, ESHA eða ASCD sem heldur ráðtefnur í USA sjá hér.

Ég vil þakka ykkur fyrir góða þátttöku í könnuninni um starfsþróun skólastjórnenda. Þátttakendur voru 636 og þar af 291 stjórnandi grunnskóla. Niðurstöður verða teknar saman og birtar hér í mars.

Með kveðju
Svanhildur

Velferð starfsmanna er eins og alfa og omega og sem leiðtogar vitum við að það eru skýr tengsl á milli vellíðunar, geðheilsu, samskipta og skuldbindinga. Hversu mikla athygli veitum við eigin velferð og starfsánægju? Leiðtogar þurfa að hafa í huga að eigin velferð og starfsánægja skipta máli í skipulagi og þróun stofnunar. Hér má lesa um fjóra þætti sem skipta máli fyrir leiðtoga til að eflast í starfi og njóta þess jafnframt. Sjá frekar hér.

Áhugaverð grein eftir Guðlaugu Sturlaugsdóttur, skólastjóra Grunnskóla Seltjarnarness, um bók Larry Cuban, Why is it so hard to get good schools.
Larry Cuban segir í bók sinni að hann hafi lengi velt fyrir sér kennaramenningu, námskrá og stjórnun skóla auk tengslunum á milli stefnumörkunar í menntun við starfið í kennslustofunni. Í bókinni veltir hann því fyrir sér hvernig við getum gert fleiri góða skóla fyrir öll börn óháð stétt, stöðu eða litarhætti. Sjá frekar hér

Vinnufundur stjórnar, skólamálanefndar, samninganefndar og kjararáðs verður haldinn 28. febrúar og 1. mars í Fróða, fundarsal KÍ að Heiðabyggð, Flúðum. Meginefni fundarins eru kjaramál og vinna við kröfugerð SÍ í samræmi við vinnugögn frá ársfundinum í haust.