Kennarasambands Íslands hefur gert athugasemdir við tillögur verkefnisstjórnar samráðsvettvangs um aukna velsæld, þ.e. þann hluta sem fjallar um „Skilvirkara menntakerfi“. Tekið skal fram að athugasemdunum er beint að texta og upplýsingum hverrar glæru fyrir sig.
Minnt er á að verkefnisstjórnin setti fram tillögur að framtíðarsýn fram til 2030 og því er tækifæri til að fjalla um þær og hafa áhrif á mótun þeirra. KÍ bendir á að margt í tillögunum þurfi að skoða betur og nauðsynlegt sé að rýna í þær tölulegu upplýsingar sem vísað er í á glærunum. Það er gert hér.
Kennarasamband Íslands leggur áherslu á að umræður um menntamál eigi að snúast um innihald og gæði náms. Helsta baráttumál KÍ er að öll börn og ungmenni á Íslandi njóti gæðamenntunar.
KÍ leggur líka ríka áherslu á að nauðsynlegt sé að auka virðingu fyrir störfum kennara hér á landi og bæta kjör þeirra og starfsaðstæður. Rannsóknir, víðs vegar að, sýna svo ekki verður um villst að kennarar eru í lykilhlutverki þegar kemur að gæðum menntunar.
Stjórn Kennarasamband Íslands hefur þegar sent frá sér samþykkt um tillögur samráðsvettvangsins þann 17. maí. Sjá hér.
Hér er hægt að skoða athugasemdirnar skipt niður eftir glærum.